न कविता न गजल

मेरो जस्तै गुनासोको थाक होला तिमीसँग
अलिकति समयको माग होला तिमीसँग

आशा हो कि निराशा हो नबुझिने गरी
बद्लिरहने मनको भाव होला तिमीसँग

एक्लोपन नै रोज्ने भए किन जोडिंदा हुन् नाता
अँध्यारिएको मुहारको के जवाफ होला तिमीसँग

सपना त प्यारै हुन्छ बिपना पो सास्ती
अन्तरले बोल्ने कस्तो आवाज होला तिमीसँग

गजल लेख्ने प्रयास गरेको भएन । न कविता न गजल... हा हा हा... के नाम दिने यसलाई ? कुन विल्ला झुण्ड्याउने ?