समर्पण

श्रद्धाले झुकेको यो शिर मेरो
तिम्रो हातको स्पर्शले
लाग्छ फूल्छ जीवन
पूर्णिमा झैं खुल्छ जीवन

आस्थाको मूर्ति तिमी
जति हेर्छु हेरिरहुँ लाग्ने
तिमीभित्रै हराउँ झैं लाग्ने
तिम्रो प्रेमको सीतलतामा
शान्ति छ, सुख श्रोत छ

प्रेरणाको श्रोत तिमी
आस्थाको देव तिमी
तिम्रो प्रेमको छहारीमा
लाग्छ झूल्छ जीवन
ढकमक्क फूल्छ जीवन

नजाउ टाढा कतै
तिमी नै हौ सपना मेरो
तिमी मै पूरा हुन्छ जीवन